Прыміце самыя цёплыя віншаванні з юбілеем — 80-годдзем з дня выхаду ў свет першага нумара раённай газеты!
“Перамога” даўно стала сябрам і дарадцам для многіх сем’яў дзятлаўчан. На газетных старонках адлюстраваліся лёсы нашых землякоў — людзей розных прафесій, розных пакаленняў.
Вам давяраюць, да вас прыслухоўваюцца. У чытачоў ёсць магчымасць аператыўна атрымліваць якасную і дакладную інфармацыю. У вас ёсць свой, вядомы і вельмі прывабны твар, ёсць свой цвёрды і ясны почырк, характар. Калектыву рэдакцыі ўдалося заваяваць грамадскае прызнанне, зрабіць газету цікавай і запатрабаванай.
Жадаем, каб велізарны творчы патэнцыял, высокае журналісцкае майстэрства і ў далейшым з’яўляліся б залогам плённай дзейнасці стваральнікаў газеты. З гонарам нясіце высокае званне журналіста, заставайцеся вернымі свайму прафесійнаму і грамадзянскаму абавязку.
Ад усёй душы жадаем вам новых творчых узлётаў, даверу чытачоў і нюху на ўсё новае і цікавае, шчасця, здароўя і дабрабыту!
Раённы Савет дэпутатаў
Раённы выканаўчы камітэт
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
