Вышыванка – люстэрка народнай душы

Культура і адпачынак Свежыя навіны

Пяты год запар сустракаў гасцей гарпасёлак Наваельня на свяце вышыванкі, якое заслужана лічыцца тут брэндавым мерапрыемствам.

Багатай на сюрпрызы і насычанай стала сёлета яго праграма.

На экспазіцыях пад адкрытым небам працавала выстава майстрых-вышывальніц з розных куткоў Дзятлаўшчыны.

Не пераставалі здзіўляць прысутных сваёй фантазіяй і ўменнем удзельніцы дэфіле мадэляў “Натхненне і прыгажосць”, прычым як сярод дзяцей, так і дарослых. На гэты раз свае мадэлі прадставілі Дварэцкі, Гезгалаўскі, Данілавіцкі дамы культуры, Новаяльнянскі дзіцячы сад.

Бурнымі апладысментамі сустракалі сям’ю Ахламёнак, якая выступала за Новаяльнянскую сярэднюю школу ў намінацыі “Сям’я ў вышыванцы” і стала бясспрэчнай пераможцай.

Адбыўся і конкурс падворкаў сярод арганізацый пасёлка. Дыпломамі I ступені ўзнагароджаны Рэспубліканская туберкулёзная бальніца “Наваельня”, Новаяльнянская школа мастацтваў.

Не было сумна на свяце і дзятве. Гульнявую праграму для іх правялі работнікі Гезгалаўскага дома культуры.

Прыемным сюрпрызам для ўсіх жыхароў пасёлка стаў святочны канцэрт народнага ансамбля народнай песні і музыкі “Прымакі” горада Лунінца Брэсцкай вобласці.

Не абышлося і без узнагароджанняў, упершыню на свяце былі ўручаны абярэгі-вышыванкі.

Завяршылася мерапрыемства святочнай дыскатэкай.

Таццяна САНЮК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga