Новы год — свята, якога чакаюць і дарослыя, і дзеці.
Зусім хутка наступіць тая самая казачная і яркая ноч у годзе, а пазітыўным зарадам эмоцый і добрым пераднавагоднім настроем можна назапасіцца ўжо сёння.
У Дзятлаўскай раённай бібліятэцы ў акцыі «Нашы дзеці» адбыўся ранішнік для дзяцей супрацоўнікаў. Каля навагодняй ёлкі ярка і гасцінна іх сустрэлі Дзед Мароз і Снягурка. Дзяцей чакала гульнявая праграма і салодкія падарункі ад пярвічнай прафсаюзнай арганізацыі аддзела ідэалагічнай работы, культуры і па справах моладзі Дзятлаўскага райвыканкама.
Аргкамітэт
