Напрыканцы лістапада ў Казлоўшчынскай сярэдняй школе прайшоў Тыдзень прафілактыкі правапарушэнняў.
У фае школы быў аформлены стэнд “Бяспека ва ўсім”.
Зацікавіла навучэнцаў і выстава літаратуры “Закон і падлетак”. На працягу Тыдня класныя кіраўнікі правялі класныя гадзіны “Дзяцінства без правапарушэнняў”, “Маленькія челавечкі – вялікія правы”, “Адміністрацыйная і крымінальная адказнасць непаўналетніх”.
У час перапынкаў для навучэнцаў 5-11 класаў былі арганізаваны прагляды відэаролікаў “Па старонках дзіцячага прававога сайта”.
Каб сфарміраваць адказнае стаўленне да ўласнай бяспекі і бяспекі навакольных, органы вучнёўскага самакіравання арганізавалі і правялі рэйд “Флікер – мой сябар”.
Асноўным напрамкам у выхаваўчай рабоце з вучнямi з’яўляецца прапаганда здаровага ладу жыцця.
Актыўны ўдзел прынялі навучэнцы 5-11 класаў у складанні калажоў “Гэта страшнае слова СНІД”.
Прававы лікбез “Правоў без абавязкаў не бывае” быў накіраваны на фарміраванне навыкаў законапаслухмяных паводзінаў.
Завяршыўся Тыдзень у шосты школьны дзень інфармацыйна- прававым практыкумам “Гадзіна суда”, дзе навучэнцы 8 класа прадставілі судовае пасяджэнне “Суд над наркаманіяй”. Навучэнцы прыйшлі да высновы, што жыццё бывае складаным і супярэчлівым, у ім ёсць цёмныя бакі, праблемы і канфлікты. Кожны павінен ісці толькі па светлай дарозе права і закона.
Ірына ЛАМАКА,
педагог сацыяльны Казлоўшчынскай сярэдняй школы
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
