“Залежнасці. NET”

Важнае Грамадства Свежыя навіны

Штогод у Раклевіцкім дзіцячым садзе-базавай школе, каб нагадаць навучэнцам аб негатыўным уздзеянні  наркотыкаў, адказнасці за супрацьпраўную дзейнасць, звязаную з іх незаконным абаротам, а таксама для фарміравання навыкаў здаровага ладу жыцця праводзіцца асенняя антынаркатычная акцыя “#Місія – жыць!”.

Сацыяльным педагогам для класных кіраўнікоў, настаўнікаў-прадметнікаў, выхавальнікаў дашкольных груп была створана метадычная рассылка “У дапамогу педагогу па прафілактыцы ўжывання псіхаактыўных рэчываў сярод непаўналетніх”.

На працягу тыдня праводзіліся класныя выхаваўчыя мерапрыемствы: класныя гадзіны  (“Маё здароўе ў маіх руках”, “Злы чараўнік Наркотык”, “З клопатам аб здароўі”, “Скажам “не” шкодным звычкам”, “Наркаманія: разбэшчанасць ці хвароба?”, “Здаровы лад жыцця без наступстваў”), а таксама інтэрнэт-чэлендж “Гэта мой крок насустрач здароўю! А твой?” (у рамках работы  віртуальнай тэматычнай пляцоўкі “Моладзь. Сям’я. Школа. Маральнасць.” у сацыяльнай сетцы “ВКонтакте”). Сацыяльным педагогам праведзены занятак-практыкум для вучняў 6 класа “Цяпер я ведаю ўсю праўду аб наркотыках”.

Арганізавана работа відэасалона па прафілактыцы немедыцынскага выкарыстання псіхаактыўных рэчываў, курыльных сумесей.

Членамі антынаркатычнага атрада праведзена  PR-акцыя “#МЫ – выбіраем ЖЫЦЦЁ!”.

Вучні школы прынялі ўдзел і ў раённым флэшмобе «Скажы наркотыкам – “НЕ!!!» (відэаматэрыял размешчаны ў сацыяльнай сетцы “Вконтакте”).

Для бацькоў вучняў класнымі кіраўнікамі распрацаваны памяткі “Як засцерагчы сваіх дзяцей ад бяды?”, размешчаныя пасродках месенджара Viber у бацькоўскіх чатах.

Адметна, што ў гэтым навучальным годзе ў рамках акцыі “#Місія – жыць!» дадзены старт школьнаму праекту па прафілактыцы залежных паводзінаў сярод вучняў “Залежнасці. NET”. Наперадзе дзяцей  і іх бацькоў чакаюць інфармацыйна-асветніцкія мерапрыемствы, практычныя заняткі, спартыўныя гульні і святы, Дні здароўя ў рамках работы клуба “Альтэрнатыва+” і яшчэ шмат цікавага.

Марына СЕРБІН,
сацыяльны педагог Раклевіцкага дзіцячага сада-базавай школы

Подписывайтесь на телеграм-канал «Гродно Медиа Group» по короткой ссылке @GrodnoMediaGroup