Дзякуй матулям за дастойных сыноў

Грамадства Свежыя навіны

Перыядычна ваенны камісарыят Дзятлаўскага раёна адпраўляе запыты ў вайсковыя часці, каб даведацца, як праходзяць тэрміновую службу былыя прызыўнікі.

Напярэдадні Дня маці прыйшлі два станоўчыя водгукі на Вадзіма Шышню і Віктара Мазурэвіча.

14 кастрычніка ваенны камісар Дзятлаўскага раёна Генадзь Суравец наведаў матуляў хлопцаў і падзякаваў ім за дастойнае выхаванне абаронцаў Айчыны. Спачатку ён накіраваўся ў аграгарадок Раклевічы, дзе пабываў у Аксаны Мазурэвіч, маці Віктара. Потым наведаў магазін “Точка” ў горадзе Дзятлаве. Там працуе Алена Шышня, маці Вадзіма. Кожнай матулі Генадзь Тадэвушавіч уручыў Падзячны ліст з часці, у якой паспяхова праходзіць тэрміновую службу яе сын, падарыў кветкі.

Вадзім ФІЛІПОЎСКІ
Фотаздымкі прадастаўлены ваенным камісарыятам Дзятлаўскага раёна

Подписывайтесь на телеграм-канал «Гродно Медиа Group» по короткой ссылке @GrodnoMediaGroup