Жалезадэфіцытнае малакроўе з’яўляецца найбольш частым захворваннем, якое сустракаецца ў дзяцей.
Яно ўзнікае з-за недастатковага паступлення жалеза ў арганізм або праблемы на адным з этапаў перапрацоўкі. Аб прычынах і спосабе ранняй дыягностыкі захворвання расказала Ірына Родзькіна, доктар-педыятр Дзятлаўскай ЦРБ.
Пытанне: у чым прычыны ўзнікнення жалезадэфіцытнага малакроўя ў дзяцей?
Адказ: нярэдка жалезадэфіцытнае малакроўе ўзнікае з-за інфекцый, якія з’яўляюцца прычынай парушэння працэсу ўсмоктвання жалеза. Аднак у нованароджаных і дзяцей малодшага ўзросту захворванне можа ўзнікаць і з-за хуткага росту малога, калі ўзнікае павышанае спажыванне жалеза. Па гэтай прычыне найбольш высокая распаўсюджанасць жалезадэфіцытнага малакроўя адзначаецца ў дзяцей ад 6 месяцаў да 3 гадоў і дзяўчынак-падлеткаў старэйшых за 12 гадоў.
Пытанне: як выяўляюць жалезадэфіцытнае малакроўе?
Адказ: для гэтага спатрэбяцца лабараторныя даследаванні. Неабходна будзе зрабіць аналіз на аўтаматычным гематалагічным аналізатары. Далей спатрэбіцца яшчэ шэраг аналізаў для вызначэння ўзроўню сываратачнага жалеза і агульнай жалезазвязуючай здольнасці сывараткі.
Марыя ПАПОВА
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
