Няглядзячы на тое, што лета гэтага гора не цешыць нас цяплом, у Гезгалаўскім садку сонечна і весела ад усмешак дзяцей.
“Вітаем цябе, лета!” – пад такой назвай праходзіць першы тыдзень чэрвеня. Кожны летні дзень – гэта новыя забавы, прыгоды і нечаканыя сустрэчы.
У дзіцячы садок завітаў клоун Клёпа. Хлопчыкі і дзяўчынкі з задавальненнем расказалі яму аб асноўных правах дзяцей, а выхавальніца І. У Красоўская адзначыла, што краіна клапоціцца, каб жыццё дзяцей было светлым, мірным, напоўненым дабрынёй, усмешкамі, любоўю да родных і блізкіх.
У час сюжэтнай-гульнявой праграмы “Забава” разам з Клёпам дзеці гулялі ў рухомыя гульні, спаборнічалі у спрыце і хуткасці ў гульнях-эстафетах.
Конкурс малюнкаў на асфальце “Аб чым мараць дзеці” паказаў, што мары ў нашых выхаванцаў цудоўныя: новыя цацкі, цукеркі, паездкі ў цырк і заапарк, адпачынак разам з бацькамі.
Літаратурна- музычную віктарыну “Кветкавы карагод” прапанавалі дзецям госці з Афрыкі – тыіграня і львяня. Выхаванцы прадэманстравалі ўменне адгадваць загадкі, успомнілі прыказкі і прымаўкі аб садовых і лугавых кветках. Дзяўчынкі рознаўзроставай групы № 3 паказі свае таленты пры выкананні песень і танцаў. Сустрэча з афрыканскімі гасцямі скончылася падарожжам на цягнічку з Рамашкава па ўчастку дзіцячага садка.
Лета толькі пачалося, і педагогі ўпэўнены, што яно будзе для нашых выхаванцаў вясёлым, цікавым і карысным.
Алена ЛУКІЯНЕЦ,
намеснік загадчыка Гезгалаўскага ясляў-сада
Подписывайтесь на телеграм-канал «Гродно Медиа Group» по короткой ссылке @GrodnoMediaGroup