Каб знізіць рызыку ўзнікнення і распаўсюджвання інфекцыі COVID-19 (каранавіруснай інфекцыі) у працоўных калектывах, Міністэрства аховы здароўя рэкамендуе кіраўнікам прадпрыемстваў, установаў і арганізацый выконваць простыя правілы абароны.
* Асобаў, якія прыбылі з-за мяжы, дапускаць да працы пасля 14-дзённай самаізаляцыі.
* Калі ёсць магчымасць, арганізаваць дыстанцыйны спосаб працы.
* Не варта дапускаць да працы асобаў з прыкметамі рэспіраторнай інфекцыі (насмарк, чханне, кашаль, павышаная тэмпература цела).
* Арганізаваць дыстанцыю 1-1,5 метра паміж працоўнымі месцамі, таксама рэкамендаваць наведвальнікам трымаць дыстанцыю 1-1,5 метра.
* Адтэрмінаваць правядзенне мерапрыемстваў, якія мяркуюць масавы ўдзел грамадзян (выставы, семинары, канферэнцыі).
* Арганізаваць правядзенне нарадаў і планёрак з выкарыстаннем відэасувязі; пры немагчымасці яе выкарыстання забяспечыць дыстанцыю паміжсупрацоўнікамі не менш за 1-1,5 метра.
* Адмяніць замежныя камандзіроўкі супрацоўнікаў да стабілізацыі сітуацыі ў свеце.
* Забяспечыць супрацоўнікам і наведвальнікам магчымасць выконваць гігіену рук – мыццё рукі з мылам або антысэптыкам (пажадана на спіртавой аснове). Па магчымасці, размясціць дазатары з антысэптыкам на працоўных месцах і месцах агульнага наведвання, кантрад\ляваць іх рэгулярную запраўку.
* Прадаставіць супрацоўнікам магчымасць выкарыстоўваць медыцынскія маскі.
* Арганізаваць рэгулярнае вільготнае прыбіранне памяшканняў з выкарыстаннем бытавых мыючых сродкаў і дэзінфектантаў. Акцэнт рабіць на апрацоўцы паверхні.
* Наладзіць як мага больш частае праветрыванне памяшканняў і ўвільгатненне паветра любымі даступнымі спосабамі. Пры магчымасці, рабіць дэзінфекцыю паветра.
* Калі на працы наладжана харчаванне супрацоўнікаў, аддаць перавагу аднаразаваму посуду.
* Размясціць у бачных месцах інфармацыю аб прафілактыцы рэспіраторных інфекцый, правілах паводзінаў і правільным мыцці рук.
Міністэрства аховы здароўя нагадвае, што правядзенне прафілактычных мерапрыемстваў дапаможа скараціць колькасць згубленных па прычыне хваробы працоўных дзён, перашкодзіць распаўсюджанню вірусных інфекцый, у тым ліку COVID-19.
Наталля АВЯРЧУК
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
