У пятніцу на Дзятлаўскім возеры разгарнулася “аперацыя” па дапамозе лебедзю, які застаўся зімаваць у райцэнтры.
У ноч з 6 на 7 лютага падмарозіла, і вада пакрылася лёдам.
Для птушкі засталося маленькае “акенца” на паверхні вадаёма, якое не змерзла.
Нераўнадушныя жыхары горада паведамілі пра гэта раённым службам, і хутка на возера прыбылі ратаўнікі. Гэта былі работнікі раённага аддзела па надзвычайных сітуацыях і Дзятлаўскай раённай інспекцыі прыродных рэсурсаў і аховы навакольнага асяроддзя. Птушку планавалі перавезці на Гезгальскае вадасховішча, аднак лебедзь прадэманстраваў характар, і злавіць яго так і не ўдалося.
Відаць, птушка даволі камфортна адчувае сябе ў райцэнтры, капрызы надвор’я ёй не перашкаджаюць, і мяняць адрас “прапіскі” яна не плануе.
Аксана АНДАЛЮКЕВІЧ
Подписывайтесь на телеграм-канал «Гродно Медиа Group» по короткой ссылке @GrodnoMediaGroup