Навядзенне парадку – на кантролі

Свежыя навіны Улада

Камітэтам дзяржаўнага кантролю Гродзенскай вобласці праведзены маніторынг ходу выканання даручэнняў Прэзідэнта Рэспублікі Беларусь па прыняцці мераў па развіцці райаграсэрвісаў і навядзенні парадку на тэрыторыях арганізацый.

Устаноўлена, што не ўсімі райаграсэрвісамі ў поўным аб’ёме выконваюцца гэтыя даручэнні.

Адзначаны факты неналежнага стану тэрыторый арганізацыі: наяўнасць смецця, несвоечасовае абкошванне тэрыторыі ў ААТ “Дзятлаўская сельгастэхніка”. Не выкананы рамонт даху як у адміністрацыйных, так і вытворчых будынках, несвоечасова выдаляецца драўняная і травяная расліннасць з дахаў, што ў далейшым вядзе да частковага іх разбурэння.

Не надаецца належная ўвага ўмовам захоўвання лому і адходаў чорных металаў. Так, у ААТ “Дзятлаўская сельгастэхніка” ў несанкцыянаваным месцы быў размешчаны металалом, на пляцоўцы каля склада для захоўвання металалому не было прыбрана бытавое смецце. У складзе хаатычна размешчаны лом і адходы чорных металаў.

Пытанне навядзення парадку на тэрыторыях арганізацый знаходзіцца на пастаянным кантролі.

Анатоль ДАРОЖКА,

старшыня Камітэта дзяржаўнага кантролю Гродзенскай вобласці



Добавить комментарий

Ваш адрес email не будет опубликован. Обязательные поля помечены *