Дзень маці – свята пяшчоты і любові (+відэа)

Галоўнае Культура і адпачынак Свежыя навіны

Шанаваць мамаў можна ў любы дзень года, але ёсць цудоўнае, цёплае свята – Дзень маці – свята дабра і прыгажосці, мудрасці і жыццялюбства, пяшчоты і любові.

Усіх жанчын, якім выпаў шчаслівы лёс быць мамай, напярэдадні Дня маці віншавалі на ўрачыстым канцэрце ў Дзятлаўскім раённым цэнтры культуры і народнай творчасці 12 кастрычніка.

У гэты святочны дзень першае слова для віншавання ўсіх жанчын прадаставілі старшыні Дзятлаўскага раённага Савета дэпутатаў Аляксандру Бараноўскаму:

– Мацярынства – гэта адказная праца, без выхадных і адпачынкаў, праца, дастойная самай глыбокай павагі. Дзякуючы клопату і падтрымцы жанчын-маці, гарыць агонь сямейнага ачага. Сёння я хачу выказаць словы шчырай падзякі вам за тое, што добрасумленна выконваеце свае нялёгкія мацярынскія абавязкі, не шкадуеце сябе ў бясконцым клопаце пра дзяцей, унукаў. Нізкі вам паклон, дзякуй за працу, дабрыню і мудрасць, за сардэчную цеплыню, за любоў і цярпенне, за падтрымку і ўменне дараваць. Жадаю вам і вашым сем’ям шчасця, моцнага здароўя, дабрабыту.

Быць бацькам у вялікай сям’і складана, але ўклад мамы не параўнальны ні з чым. Быць шматдзетнай маці – гэта не проста вялікая праца, гэта сапраўдны душэўны подзвіг. І яны як ніхто дастойныя стаяць у гэты дзень на святочнай сцэне. Адзінаццаць шматдзетных матуляў атрымалі сёння віншаванні і падарункі ад кіраўнікоў арганізацый, у якіх яны працуюць.

Усіх матуляў са святам павіншавала намеснік старшыні раённай арганізацыі грамадскага аб’яднання “Беларускі саюз жанчын” Таццяна Нікіпорчык. Яна пажадала ўсім здароўя, цярпення, любові, а таксама падтрымкі і дапамогі Маці Божай.

Асаблівыя словы ўдзячнасці і глыбокай павагі гучалі ў гэты дзень для мамаў, якія выхоўваюць дзяцей з інваліднасцю, а таксама жанчын з самымі добрымі сэрцамі і ласкавымі рукамі – прыёмных мамаў. У нашым горадзе склалася добрая традыцыя ўшаноўваць на святочнай сцэне мам, якія сёлета сталі шматдзетнымі. Усе яны таксама атрымалі падарункі і гучныя апладысменты.

А якое ж свята без музыкі, песняў і танцаў! Музычныя падарункі ўсім мамам падрыхтавалі Ала Чарняўская, народны ансамбль песні і танца “Ятранка”, трыа гімназіі №1, квартэт “Вдохновение”, а таксама госці Дзятлаўшчыны – заслужаны акадэмічны харэаграфічны ансамбль “Харошкі”.

Святлана ГРЫШЫНА
Фота Вольгі ЮШКЕВІЧ



3 комментария по теме “Дзень маці – свята пяшчоты і любові (+відэа)

  1. Не культура, а сплошное бескультурие. Зрители в верхней одежде сидят, аж стыдно за родной город. В каком еще городе такое можно увидеть?! Никогда в зал не пустят зрителя в куртке или пальто.

    Рейтинг комментария:Vote +1+2Vote -10

  2. Люди сидели в куртках, потому что в зале было холодно.

    Рейтинг комментария:Vote +10Vote -10

Добавить комментарий

Ваш адрес email не будет опубликован. Обязательные поля помечены *