Навучыць дзяцей правілам бяспечных паводзінаў, прадухіліць магчымыя экстрэмальныя сітуацыі, навучыць іх правільным дзеянням у выпадку небяспекі – задача не толькі выхавальнікаў.
Таму ў Дзятлаўскім раёне пастаянныя сустрэчы ратаўнікоў з дзецьмі сталі ўжо традыцыяй.
Чарговая такая сустрэча ў рамках акцыі “У цэнтры ўвагі – дзеці!” прайшла з выхаванцамі Наваельнянскага дзіцячага сада, навучэнцамі і настаўнікамі Наваельнянскай сярэдняй школы.
Інспектар Дзятлаўскага РАНС Дзмітрый Бобін расказаў аб правілах пажарнай бяспекі, патлумачыў, чаму гульня з агнём небяспечная і агонь без нагляду можа ператварыцца ў ворага для чалавека. У час размовы дзеці ўзгадалі нумары тэлефонаў экстраных службаў.
Удзельнікам сустрэчы паказалі пажарную тэхніку і абсталяванне. Жадаючыя змаглі прымерыць касцюмы ратаўнікоў. У падарунак дзеці атрымалі наклейкі і размалёўкі.
Уладзіслаў ЗЯБАЧКІН,
інспектар Дзятлаўскага РАНС
Молодцы. Такие встречи обязательно нужно проводить с детьми.
Рейтинг комментария:00