У магазіне “Сударыня” стараюцца для пакупнікоў

Галоўнае Грамадства Свежыя навіны

Мяркую, кожны жыхар і часты госць горада Дзятлава выдатна ведае невялікі ўтульны магазін з багатым выбарам харчовых тавараў, які знаходзіцца на скрыжаванні вуліц Кірава і Чапаева райцэнтра. Гэта прыватны магазін з прыгожай гучнай назвай “Сударыня” – узор паспяховага сямейнага бізнэсу.

Апошнім часам у нашай дзяржаве шмат увагі надаецца прыватнаму прадпрымальніцтву, таму напярэдадні Дня работнікаў гандлю мы сустрэліся з дырэктарам ТАА “СударыняТорг” Андрэем Турэвічам, каб даведацца, што дапамагае быць паспяховым.

– Андрэй Канстанцінавіч, калі з’явілася ідэя адкрыць сваю справу, і з чаго ўсё пачыналася?

– Гэту справу адкрыла мая цешча Галіна Сцяпанаўна Жых. Пачынала яна бізнэс з самых азоў, калі ў незалежнай Беларусі зараджалася індывідуальная прадпрымальніцкая дзейнасць. Справа стала сямейнай, і вялікі дзякуй Галіне Сцяпанаўне за яе намаганні, за надзейны падмурак. Спачатку гэта былі маленькія магазінчыкі на раёне, выязны гандаль на рынку, а ў 2004 годзе мы пабудавалі “Сударыню”. Цяпер Галіна Сцяпанаўна на пенсіі, а я ўзначаліў сямейны бізнэс.

– Колькі чалавек у вас працуе, чаму надаяце найбольш увагі?

– У ТАА “СударыняТорг” працуюць 11 чалавек. Гэта і адміністрацыя, і бухгалтэрыя, і прадаўцы, і грузчыкі, і прыбіральшчыкі.

Безумоўна, галоўную ўвагу надаём якасці тавару, які знаходзіцца ў нас на паліцах, яго цане, каб яна была прывабнай для нашых пакупнікоў. Імкнёмся, каб у нашым магазіне людзі маглі набываць якасную недарагую прадукцыю і назаўтра вяртацца сюды па новыя пакупкі.

– “Сударыня” прыгожы магазін з шырокім выбарам тавараў. Як удаеца “трымаць планку”?

– Гэта нялёгка. Мы працуем ва ўмовах канкурэнцыі. Каб быць паспяховымі, стаўку робім на давер кліента. Для нас галоўнае – працаваць сумленна. Калі тавары не адпавядаюць па якасці і цане, пакупнік не пойдзе ў магазін. Галоўны крытэрый ацэнкі поспеху, што людзі з задавальненнем робяць у нас пакупкі і становяцца пастаяннымі кліентамі.

Таксама імкнёмся зрабіць свой гандлёвы аб’ект прывабным для наведвальнікаў, своечасова праводзім рамонты, добраўпарадкавалі прылеглую тэрыторыю, у бліжэйшы час плануем падключыць Інтэрнэт, каб пакупнікі, якія трапілі ў магазін у “гадзіну пік”, бавілі час цікавей.

 – Раскажыце пра калектыў “Сударыні”.

– Калектыў у нас зладжаны, надзейны, у складзе якога працуюць прафесіяналы. Кожны работнік выдатна спраўляецца на сваім участку. Варта адзначыць работу загадчыцы магазіна Святланы Антончык, вопытных прадаўцоў, нашых “старажылаў” – Іны Лявончык і Святланы Нядбайлік. Пры падборы супрацоўнікаў шмат увагі звяртаем на якасці характару: каб чалавек быў ветлівы, уважлівы да пакупнікоў, прыемны ў размове, не грубіў. Практыкуем браць кандыдатаў без вопыту работы, калі бачым іх патэнцыял. У абавязках прадаўцоў не толькі каса, але і раскладка ў гандлёвай зале, кантроль за таварамі, папаўненне асартыменту. Наш калектыў – адзіная машына, якая спраўна працуе.

– Хто вашы асноўныя пастаўшчыкі?

– Практычна ўсе буйныя прадпрыемствы краіны, якія вырабляюць харчовую прадукцыю (большасць нашага асартыменту – тавары айчыннай вытворчасці). Мяркую, што расказваць пра кожнага паасобку не варта – спіс вялікі.

Што тычыцца дастаўкі, некаторую частку прадуктаў пастаўляюць вытворцы, але пераважную большасць возім самі, каб знізіць сабекошт, а значыць і цану для пакупніка. Так імкнёмся павышаць канкурэнтаздольнасць тавараў.

– Колькі чалавек за дзень могуць наведаць ваш магазін?

– Мэтай падлічыць усіх не задаваліся, адзначу толькі, што ў “Сударыни” шмат пастаянных кліентаў, вялікі тавараабарот: за дзень наш гандлёвы аб’ект абслугоўвае да тысячы чалавек. Такі поспех – заслуга ўсяго калектыву.

– Раскажыце пра новаўвядзенні і працоўныя планы.

– Другі год запар на базе “Сударыни” працуе сезоннае кафэ. Асноўныя пастаўшчыкі прадукцыі – “Лідскае піва” – ацанілі нашы мінулагоднія вынікі і сёлета прадаставілі для кафэ лепшае абсталяванне. Наведвальнікаў прывабліваем сюды шырокім асартыментам прахаладжальных напояў, марожанага, садавіны, агародніны.

Сярод далейшых планаў ТАА “СударыняТорг” – пашырацца, павялічваць аб’ёмы продажу і колькасць гандлёвых аб’ектаў. Збіраемся восенню 2018 года адкрыць магазін у адным з аграгарадкоў, таксама набылі абсталяванне для выязнога гандлю. У нас будзе свой магазіна на колах, маршрут для якога знаходзіцца на этапе ўзгаднення.

Зазначу, што працаваць у рэгіёнах прыватнаму бізнэсу стала камфортней пасля падпісання нарматыўных дакументаў, скіраваных на развіццё прадпрымальніцтва ў Беларусі. Для мяне гэта важна, бо справу сваю люблю, ды і падрастае надзейная змена. Малодшы сын Кірыл вучыцца ў Беларускім дзяржаўным эканамічным універсітэце па спецыялізацыі “Эканамічная дзейнасць у сферы тавараў народнага спажывання”, старэйшы Павел скончыў гэтую ўстанову і магістратуру, спрабуе свае сілы ў індывідуальным прадпрымальніцтве.

– Андрэй Канстанцінавіч, чаго пажадаеце работнікам гандлю да прафесійнага свята?

– Поспехаў, здаровай канкурэнцыі, атрымліваць задавальненне ад справы, якой займаюцца, усёй душой быць адданымі пакупнікам, бо работа з людзьмі складаная, але прыемная.

Гутарыла Ірына КАЎКЕЛЬ

 



13 комментариев по теме “У магазіне “Сударыня” стараюцца для пакупнікоў

  1. Отличный магазин, всегда всё свежее и вкусное, очень вежливый и хороший персонал

    Рейтинг комментария:Vote +1+15Vote -10

  2. Отличный домашний магазин, найдёте все что ищете)
    А пиво самое холодное в палатке!

    Рейтинг комментария:Vote +1+16Vote -10

  3. Yeasteday I dropped into this amazing shop and found out a big range of products!Fresh fruits and vegetables are always present!So if you want to be pleased with your meal,visit it??

    Рейтинг комментария:Vote +1+4Vote -10

  4. Очень хороший магазин! только свежая продукция, вежливые и хорошие продавцы!

    Рейтинг комментария:Vote +1+16Vote -10

  5. И сыночков вожу,и сама хожу.Дешевое и вкусное мороженое,прекрасный холодный квас

    Рейтинг комментария:Vote +1+12Vote -10

  6. И сыночков вожу,и сама хожу.Дешевое и вкусное мороженое

    Рейтинг комментария:Vote +1+12Vote -10

  7. Очень рад что в нашем городе есть такой магазин!!!

    Рейтинг комментария:Vote +1+13Vote -10

  8. Прекрасные хозяин и отзывчивые продавцы
    Ухожу всегда с улыбкой на лице

    Рейтинг комментария:Vote +1+13Vote -10

  9. Замечательный магазин, большой ассортимент, внимательные вежливые продавцы! Лучший магазин в районе!

    Рейтинг комментария:Vote +1+14Vote -10

  10. Отличный магазин, лучший в районе, большой ассортимент, всегда все свежее!

    Рейтинг комментария:Vote +1+13Vote -10

  11. З вялікай радасцю імкнуся завітаць у гэты магазін. Вялікі асартымент прадуктау. Усё свежае і высокай якасці. Вельмі добразычлівыя і адказныя прадауцы. Шкада толькі, што з вуліцы Навагрудскай гэты шлях вельмі вялікі. Хацелася б, каб быу ён бліжэй!!!!

    Рейтинг комментария:Vote +1+14Vote -10

Добавить комментарий

Ваш адрес email не будет опубликован. Обязательные поля помечены *