Лета і кніга

Важнае Культура і адпачынак

Лета — час адпачынку, гульняў, забаў і, вядома, чытання самых цікавых кніг. Для многіх дзяцей у дні летніх канікулаў бібліятэка становіцца не проста домам, дзе жывуць кнігі, але і адным з месцаў правядзення вольнага часу.

Летнія канікулы ў Войневіцкай сельскай бібліятэцы пачаліся з бібліятэчнага асарці “Востраў Чыталія на планеце Лета”. Дзеці гулялі ў гульні, адгадвалі загадкі, весяліліся. З дзеткамі з дзіцячага сада правялі гучныя чытанні “Кніжка і малышка”.

У рамках раённай акцыі “Бібліятэка Open air” была арганізавана летняя пляцоўка “Пачытаем, пагуляем, адпачнём – час з карысцю правядзем”. Дзеці адгадвалі загадкі, адказвалі на пытанні віктарыны, чыталі скорагаворкі. Для дзяцей старэйшага ўзросту была падрыхтавана гульнёвая праграма. Прысутныя пазнаёміліся з выставай–настроем “Казачны ералаш”.

Лета працягваецца, і мы запрашаем наведаць нашу бібліятэку, дзе вас чакае добры настрой і сустрэча з цікавымі кнігамі.

Святлана КАШЫРЭЦ,
бібліятэкар Войневіцкай сельскай бібліятэкі

 



1 комментарий по теме “Лета і кніга

  1. Современные дети редко дружат с книгой, поэтому важно привлекать их в библиотеку с помощью таких мероприятий.

    Рейтинг комментария:Vote +10Vote -10

Добавить комментарий

Ваш адрес email не будет опубликован. Обязательные поля помечены *