На тэрыторыі Дзятлаўскага раёна не паслабляецца кантроль за асобамі, асуджанымі да пакарання, не звязанага з пазбаўленнем волі, якія знаходзяцца на ўліку ў крымінальна-выканаўчай інспекцыі АУС Дзятлаўскага райвыканкама.
З мэтай прыняцця дадатковых мераў выхаваўча-прафілактычнага ўздзеяння 14 чэрвеня 2017 года на пасяджэнне назіральнай камісіі пры Дзятлаўскім раённым выканаўчым камітэце былі выкліканы шэсць асуджаных, якія маюць парушэнні парадку і ўмоваў адбывання пакарання. Паводзіны кожнага з іх былі разгледжаны асобна. Парушальнікам патлумачылі меры крымінальнай адказнасці. Кожнаму з іх было вынесена афіцыйнае папярэджанне пракурора.
Работа з гэтай катэгорыяй грамадзян не абмяжоўваецца прынятымі мерамі. З-за неналежнага адбывання пакарання кантроль з боку раённага аддзела міліцыі па месцы жыхарства асуджаных будзе ўзмоцнены. Іх паводзіны будуць кантраляваць з прыняццем мераў выхавання мясцовыя выканкамы, працоўныя калектывы.
А. ЮШКЕВІЧ,
старшы інспектар крымінальна-выканаўчай інспекцыі АУС Дзятлаўскага райвыканкама