Паважаныя работнікі фізкультуры і спорту, спартсмены, трэнеры і педагогі!
Віншуем вас з Днём работнікаў фізічнай культуры і спорту.
Спорт аб’ядноўвае людзей, робіць нас моцнымі, вучыць дасягаць мэтаў, сваёй мары. Здароўе нацыі з’яўляецца нашым агульным прыярытэтам, бо толькі здаровая нацыя здольна ствараць.
Сёння ў Дзятлаўскім раёне вядзецца вялікая работа па стварэнні сучаснай агульнадаступнай спартыўнай інфраструктуры, па далучэнні маладога пакалення да рэгулярных заняткаў фізічнай культурай і здаровага ладу жыцця, па падрыхтоўцы алімпійскага рэзерву.
Словы ўдзячнасці ў гэты дзень мы выказваем усім, хто працуе з моладдзю, рыхтуе юных спартсменаў, далучае да здаровага ладу жыцця дзяцей і падлеткаў, выхоўвае ў іх працавітасць, настойлівасць і мэтанакіраванасць, хто аддае свае сілы, веды, прафесійныя навыкі маладым, якія ўпэўнена ўзнімаюцца на вышэйшыя прыступкі п’едэстала гонару спаборніцтваў рознага ўзроўню.
Дарагія сябры! Вы несяце людзям дабро, здароўе, сілу і прыгажосць. Вы загартоўваеце характар і вучыце пераадольваць цяжкасці і перашкоды. Верым, што вашы намаганні дапамогуць Дзятлаўшчыне дасягнуць высокай мэты. Жадаем усім вам бадзёрасці духу, волі да перамогі, удачы і поспехаў.
Дзятлаўскі раённы Савет дэпутатаў
Дзятлаўскі раённы выканаўчы камітэт