27 ліпеня адразу два камбайнавыя экіпажы СВК “Граніт-Агра” намалацілі па 1000 тон ураджаю 2016 года. Дзмітрый і Сяргей Жыхі – 1047 тон, Уладзімір і Андрэй Гукішы – 1007 тон. Абодва экіпажы працуюць на камбайнах “Lexion-580”.
Павіншаваць самыя паспяховыя ў дэбюце жніва экіпажы раёна прыехалі першы намеснік старшыні райвыканкама, начальнік упраўлення сельскай гаспадаркі і харчавання М. Бабіна і старшыня райкама прафсаюза работнікаў аграпрама У. Казак. Яны ўручылі віноўнікам урачыстасці дыпломы і грашовыя прэміі. Яшчэ раз павіншавалі экіпажы-тысячнікі і кіраўнікі СВК “Граніт-Агра” – старшыня сельгаспрадпрыемства С. Мазур і старшыня прафкама А. Манцэвіч. Вакальная група Данілавіцкага СДК ушанавала камбайнераў песняю.
Фота і тэкст Б. ВАРНЫ