За дзесяцігоддзі свайго развіцця Беларусбанк ператварыўся ў цэлую сістэму прадуктаў і сэрвісаў для жыцця і бізнесу, даступных у любы час і ў любым пункце зямнога шара.
Гэта найбуйнейшы банк нашай краіны, які заўсёды імкнецца ствараць камфортныя ўмовы для сваіх кліентаў, прадбачыць іх патрэбы і дзейнічаць на апярэджанне.
З нагоды важкай юбілейнай даты, стагоддзя з дня заснавання банка, прыемны сюрпрыз чакаў калектыў і кіраўніка цэнтра банкаўскіх паслугаў № 407 ААТ “ААБ Беларусбанк” горада Дзятлава: павіншаваць спецыялістаў і ўручыць заслужаныя ўзнагароды прыйшла намеснік старшыні Дзятлаўскага райвыканкама Вольга Жэлезоўская.
– Калі звярнуцца да гісторыі грашова-фінансава-крэдытных арганізацый нашай краіны, то наўрад ці хто з іх можа пахваліцца векавым юбілеем работы. Адкрытае акцыянернае таварыства “Беларусбанк” – гэта надзейны партнёр дзяржавы, якому нашы прадпрыемствы і бізнес могуць даверыць свае грошы. За 100 гадоў існавання вы ўстойліва развіваліся і ўпэўненымі крокамі ішлі ў будучыню. Жадаю, каб вашай арганізацыі і надалей спадарожнічаў поспех. Спецыялістам – асабістага дабрабыту і каб паўсядзённая праца была дастойна ацэнена, – адзначыла намеснік старшыні.
Ганаровую грамату Дзятлаўскага райвыканкама Вольга Антонаўна ўручыла галоўнаму спецыялісту сектара рознічнага і карпаратыўнага бізнесу Надзеі Мазоль. Такая ж узнагарода перададзена спецыялісту па аказанні рознічных банкаўскіх паслугаў Святлане Вайчык .
Падзячнымі лістамі райвыканкама адзначаны спецыялісты па аказанні рознічных банкаўскіх паслугаў Таццяна Качан і Марына Жэгала.
За шчырыя віншаванні і ўзнагароды Вользе Жэлезоўскай падзякаваў дырэктар ЦБП № 407 ААТ “ААБ Беларусбанк” горада Дзятлава Аляксей Юхневіч. Ён акцэнтаваў увагу на тым, што супрацоўніцтва банка з раённым выканаўчым камітэтам заўсёды было плённым і выніковым, і асабліва прыемна, што да важкай юбілейнай даты заслужана адзначаны банкаўскія спецыялісты.
Нягледзячы на тое, што сваё “каляндарнае” стагоддзе Беларусбанк святкуе 26 снежня, эстафета віншаванняў, цікавых праектаў і новых ідэй доўжыцца на працягу ўсяго 2022 года.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga