У нашай краіне вядзецца індывідуальны (персаніфікаваны) улік застрахаваных асобаў у сістэме дзяржаўнага сацыяльнага страхавання: з гэтай даты звесткі, неабходныя для прызначэння пенсіі, назапашваюцца на індывідуальным асабовым рахунку кожнага працуючага грамадзяніна і з’яўляюцца асновай пры яе прызначэнні.
Тэма
Фонд сацыяльнай абароны насельніцтва запусціў мабільны дадатак, які называецца “ФСАН” і закліканы спрасціць інфармацыйнае ўзаемадзеянне грамадзян, якія з ім працуюць.
Начальнік Дзятлаўскага раённага аддзела ФСАНМарыя Жыдко:
–Дадзеныдадатак дазволіць карыстальнікам у любы час і месцы атрымаць:
* доступ да інфармацыі, якая змяшчаецца на яго індывідуальным асабовым рахунку: даныя пасведчання сацыяльнага страхавання, звесткі аб перыядах працоўнай дзейнасці і працадаўцах, у тым ліку перыядах выканання работ па грамадзянска-прававых дагаворах. З 1 ліпеня 2019 года ў Фондсацыяльнай абароны насельніцтвапаступаюць пашыраныя звесткі аб працоўнай дзейнасці работніка, якія практычна ідэнтычныя інфармацыі, якая змяшчаецца ў працоўнай кніжцы: назва прафесіі рабочага (пасады служачага), структурнага падраздзялення, падстава звальнення і іншае (паступаюць пры прыёме на работу або пры звальненні);
* звесткі аб налічаных выплатах і выплачаных узносах у бюджэт фонду (паступаюць штоквартальна);
* інфармацыю аб працягласці страхавога стажу (перыядаў выплаты страхавых узносаў), сфарміраванага з 1 студзеня 2003 года.
У раздзеле “Страхавы стаж” таксама паказваецца каэфіцыент заліку: калі паказчык ніжэйшы за 1, то ў гэты перыяд зарплата была ніжэйшай за мінімальную заработную плату, што з’яўляецца рызыкай не сфарміраваць страхавы стаж.
– Што будзе, калі грамадзяне не выпрацавалі страхавы стаж?
– Нагадваем, што страхавы стаж – гэта гарантыя фарміравання правоў на атрыманне працоўнай пенсіі. Пры дасягненні пенсійнага ўзросту ў 2023 годзе (жанчыны – 58 гадоў, мужчыны – 63) страхавы стаж павінен складаць не менш за 19 гадоў, у 2024-м – 19 гадоў 6 месяцаў, у 2025-м – 20 гадоў.
Грамадзянам, якія не выпрацавалі неабходны страхавы стаж, будзе прызначана сацыяльная пенсія: мужчынам– з 65 гадоў, жанчынам – з 60.
Мабільны дадатак Фонду сацыяльнай абароны насельніцтва даступны для скачвання на платформе Google Play, доступ да яго можна атрымаць праз Міжбанкаўскую сістэму ідэнтыфікацыі.
У бягучым годзе плануецца дапоўніць дадатак інфармацыяй аб прафесійным пенсійным страхаванні, добраахвотным страхаванні дадатковай назапашвальнай пенсіі з удзелам дзяржавы па ўказе № 367.
Падрыхтавала да друку Таццяна ГРЫЦУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
