Пытанне:
як будуць разлічвацца камунальныя плацяжы ў наступнай сітуацыі: у кватэры зарэгістраваныя двое дзяцей уласніцы і муж – не заняты ў эканоміцы (бацька дзяцей). Уласніца кватэры працуе, але не зарэгістравана ў кватэры. На каго павінна разлічвацца павышанае ацяпленне/гарачае водазабеспячэнне: на мужа (не занятага ў эканоміцы), на ўсіх зарэгістраваных, ці ні на каго? І якімі дакументамі рэгулюецца гэты разлік?
Адказ: гэта пытанне рэгулюецца палажэннем аб парадку разлікаў і ўнясення платы за жыллёва-камунальныя паслугі і платы за карыстанне жылымі памяшканнямі дзяржаўнага жыллёвага фонду, а таксама кампенсацыі выдаткаў на электраэнергію, зацверджаным пастановай Савета Міністраў Рэспублікі Беларусь ад 12 чэрвеня 2014 года № 571. У адпаведнасці з абзацам першым часткі першай пункта 12-4 гэтага палажэння аплачваць жыллёва-камунальныя паслугі цалкам (гэта значыць па тарыфах на камунальныя паслугі, якія забяспечваюць поўнае пакрыццё эканамічна абгрунтаваных затратаў на іх аказанне) абавязаны толькі тыя, хто ўключаны ў спіс працаздольных грамадзян, не занятых у эканоміцы, якія з’яўляюцца плацельшчыкамі жыллёва-камунальных паслугаў. Да такіх плацельшчыкаў адносяцца: уласнік жылога і (ці) нежылога памяшкання; наймальнік жылога памяшкання; арандатар жылога памяшкання; лізінгаатрымальнік, які заключыў дагавор фінансавай арэнды (лізінгу), прадметам лізінгу па якім з’яўляецца кватэра прыватнага жыллёвага фонду ў шматкватэрным або блакіраваным жылым доме і (або) аднакватэрны жылы дом прыватнага жыллёвага фонду; член арганізацыі забудоўшчыкаў, дольшчык, які заключыў дагавор, які прадугледжвае перадачу яму ў валоданне і карыстанне аб’екта долевага будаўніцтва. Зыходзячы з апісанай вамі сітуацыі, муж (бацька дзяцей), не заняты ў эканоміцы, не з’яўляецца плацельшчыкам жыллёва-камунальных паслугаў (ён не ўласнік, не наймальнік і г.д.), а з’яўляецца толькі членам сям’і плацельшчыка дадзеных паслугаў. Гэта значыць, аплата жыллёва-камунальных паслугаў усёй кватэры павінна адбывацца па субсідзіраваных тарыфах (цэнах).
Раённая камісія па каардынацыі работы па садзейнічанні занятасці насельніцтва
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
