Жыхар Баранавічаў надвячоркам пасля распіцця алкаголю наведаўся ў вёску Івязь нашага раёна.
Вынікамі яго п’янага візіту сталі адразу два крадзяжы з нежылых хат. У першую зламыснік залез праз праём у сцяне і скраў адтуль швейную машынку “Ніка” коштам 100 рублёў.
Свабоднага доступу да маёмасці ў другой хаце не аказалася, і п’яны злодзей, каб трапіць у памяшканне, разбіў акно – астатняе аказалася “справай тэхнікі”. Здабычай злачынцы тут сталі газавыя балон і плітка, пральны парашок, мясарубка на агульную суму 80 рублёў.
За супрацьпраўныя ўчынкі мужчына будзе асуджаны.
Аляксандр МАКУЦА,
старшы следчы Дзятлаўскага раённага аддзела Следчага камітэта
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
