“Радкі, напісаныя вайной”

Культура і адпачынак Свежыя навіны

Пад такой назвай у Дзятлаўскай раённай бібліятэцы прайшлі патрыятычныя чытанні, прымеркаваныя да Дня ўсенароднай памяці ахвяраў Вялікай Айчыннай вайны і генацыду беларускага народа.

Удзельнікамі мерапрыемстваў сталі выхаванцы аздараўленчых летнікаў “Усмешка” і “Вектар” сярэдняй школы № 3 горада Дзятлава і раённага цэнтра дадатковай адукацыі дзяцей і моладзі, наведвальнікі аддзяленняў дзённага знаходжання для інвалідаў “Праменьчык” і грамадзян пажылога ўзросту, а таксама работнікі Цэнтра па забеспячэнні дзейнасці бюджэтных і іншых арганізацый. У час сустрэчы гучалі вершы і песні пра вайну, госці глядзелі памятныя відэаролікі “Брэсцкая крэпасць”, “Гарады-героі”, “Хай гэта паўторыцца толькі ў кіно” і іншыя. Прысутныя ўспомнілі подзвіг герояў Брэсцкай крэпасці, страшныя падзеі блакады Ленінграда, трагедыі канцлагераў і спаленых вёсак; салдатаў, партызан, дзяцей і падлеткаў, якія цаной свайго жыцця падарылі свет будучым пакаленням, тых, хто штодзённай плённай працай у тыле набліжаў Вялікую Перамогу. У памяць аб усіх загінулых у гады Вялікай Айчыннай вайны прайшлі акцыі “Свечка памяці” і “Хвіліна маўчання”.

Вадзім ФІЛІПОЎСКІ

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga