Начная памінальная служба аб загінулых

Важнае Грамадства

Дзень 81-й гадавіны ўсенароднай памяці ахвяр Вялікай Айчыннай вайны праходзіць сёння ў Беларусі.

У гэты дзень мы ўспамінаем усіх, хто цаной свайго жыцця выканаў абавязак па абароне Радзімы, усіх загінулых, закатаваных у фашысцкай няволі, памерлых у тыле ад голаду і нягод.

Гэтыя старонкі не сцерці, не выкрасліць з гісторыі. На досвітку 22 чэрвеня 1941 года фашысцкая Германія, парушыўшы дагавор аб ненападзенні, пачала вайну супраць Савецкага Саюза. Згодна з планам “Барбароса” нямецкае ваеннае кіраўніцтва разлічвала правесці яе маланкава і адным ударам разграміць СССР.

На тэрыторыю Беларусі наступала самая магутная групоўка нямецкіх войскаў. Варожая авіяцыя бамбіла чыгуначныя вузлы, аэрадромы, беларускія гарады, сярод якіх Брэст, Гродна, Ваўкавыск, Баранавічы.

У памяць аб гэтых трагічных падзеях 22 чэрвеня ў саборы навамучанікаў і спаведнікаў Царквы Рускай благачынны цэркваў Дзятлаўскай акругі іерэй Іаан Кісель правёў начную памінальную службу.

У 4 гадзіны раніцы, час, калі пачалася вайна, ва ўсіх цэрквах нашага раёна празвінеў памінальны перазвон. Затым дзятлаўскія вернікі з лампадкамі прайшлі ад сабора да гарадскога парка, дзе ўсклалі кветкі да мемарыяла Героям Савецкага Саюза Яну Фогелю і Паўлу Пятрову і брацкай магілы загінулых воінаў.

Вадзім ФІЛІПОЎСКІ

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga