У Лідзе адбыўся матч 1/4 фіналу адкрытага чэмпіянату горада па міні-футболе паміж дзятлаўскай камандай “Граніт-Агра” і мясцовай “ЖКГ”.
Лік у футбольным паядынку адкрылі дзятлаўскія футбалісты: мяч забіў Павел Лішык. Камунальнікі даволі хутка адыграліся, аднак “двоечка” ад Івана Русіна і Уладзіміра Ганчара зноў вывела дзятлаўчан наперад – 2 : 1.
Перад перапынкам лідскім футбалістам удалося два разы паразіць вароты нашай каманды і скончыць першы тайм з мінімальнай перавагай. У другой палове матча футбалісты з “ЖКГ” прадоўжылі пераможную серыю і адарваліся ад “Граніт-Агра” на два мячы, на што дзятлаўчане адказалі толькі адным голам: адзначыўся Дзяніс Трафімчык. Выніковы лік сустрэчы – 4 : 3 – “вікторыя” ў камунальнікаў.
На жаль, для дзятлаўскай каманды “Граніт-Агра” чэмпіянат завяршыўся. Чарговымі паўфіналістамі сталі футбалісты з “ЖКГ”.
###
У Дзятлаве на пляцоўцы са штучным пакрыццём каля стадыёна “Колас” прайшлі чарговыя матчы адкрытага зімовага гарадскога чэмпіянату па міні-футболе.
Па выніках апошняга тура новаяльнянскія футбалісты згулялі ўнічыю з дзятлаўчанамі з каманды “Ізакам” – 1 : 1, з розніцай у чатыры мячы святкавалі перамогу над мясцовымі футбалістамі з “ПСЖ” – 6 : 2.
У той жа час “Ізакам” усухую разграміў дынамаўцаў з Дзятлава – 11 : 0.
Вадзім ФІЛІПОЎСКІ
Фота з https://vk.com/lida_champ і Уладзіміра ГАНЧАРА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga