З 14 па 20 лютага 2022 года ў аператыўна-дзяжурную службу АУС Дзятлаўскага райвыканкама паступіла 56 паведамленняў, 2 з якіх утрымлівалі звесткі аб прыкметах учыненых злачынстваў, 17 – аб адміністрацыйных правапарушэннях, 37 – аб іншых здарэннях.
Да адміністрацыйнай адказнасці былі прыцягнуты 16 правапарушальнікаў, узбуджана 4 крымінальныя справы.
Папера не сцерпіць
Пракуратурай Дзятлаўскага раёна ўзбуджана крымінальная справа на брыгадзіра аднаго з малочнатаварных комплексаў раёна. З чэрвеня па жнівень 2021 года работнік уносіў свядома лжывыя звесткі ў афіцыйныя дакументы, каб утаіць невытворчае выбыццё буйной рагатай жывёлы.
Хацелі выгнаць, ды не атрымалася
У гарадскім пасёлку нашага раёна праваахоўнікі знайшлі і канфіскавалі 10 літраў самагону і 230 літраў самагоннай брагі. Дзеянням уладальніка “вадкай маёмасці” будзе дадзена прававая ацэнка.
Аляксандр БІЛЬ,
начальнік АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
