Паважаныя дарослыя!
Хавайце ад дзяцей запалкі, кантралюйце іх паводзіны, сачыце, дзе яны гуляюць.
Калі ўсё ж такі ваша дзіця застаецца дома адно, то абавязкова правядзіце з ім гутарку пра тое, што запалкі – не цацка, растлумачце правілы бяспечнага абыходжання з бытавымі электрапрыборамі і газавым абсталяваннем. Нагадайце, да якіх наступстваў прыводзіць пажар, якія ёсць шляхі эвакуацыі ў выпадку ўзнікнення любой непрадбачнай сітуацыі. Вывучце з дзецьмі на памяць нумары тэлефонаў выкліку экстраных службаў.
Задача бацькоў – паклапаціцца пра бяспеку дзіцяці і самім быць прыкладам для іх.
Дапамога побач
Мабільны дадатак “МНС Беларусі: дапамога побач” распрацаваны для дзяцей, моладзі, дарослых і запатрабаваны не толькі ў Беларусі, але і за мяжой.
Мабільны дадатак уключае:
— інфармацыю аб неспрыяльных і небяспечных метэаралагічных з’явах;
— кароткія інструкцыі, што неабходна рабіць у экстраннай сітуацыі;
— аўдыёпадказкі дзеянняў па аказанні першай дапамогі.
Ратаўнікі працягваюць удасканальваць і развіваць дадатак.
Мікіта КАНДРАТОВІЧ,
інспектар Дзятлаўскага РАНС
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
