Права на жыллё абараняецца дзяржавай

Важнае Улада

Сустрэча, прысвечаная абмеркаванню праекта змяненняў і дапаўненняў Канстытуцыі Рэспублікі Беларусь, прайшла ва ўпраўленні спецыяльных работ “Будкомплекс” горада Дзятлава.

З працоўным калектывам арганізацыі сустрэўся намеснік старшыні райвыканкама Дзмітрый Баравік.

У час выступлення ён спыніўся на ключавых момантах Асноўнага Закона краіны. У абноўленай версіі дакумента застаюцца гарантыі для грамадзян, якія тычацца набыцця і будаўніцтва жылля.

– У Дзятлаўскім раёне штогод праводзіцца работа па павелічэнні і абнаўленні жыллёвага фонду, – адзначыў Дзмітрый Расціслававіч. – У канцы 2021 года гасцінна адчыніў свае дзверы для жыхароў пабудаваны 72-кватэрны жылы дом па вуліцы Навагрудскай у райцэнтры. Новы год мы пачынаем з рэканструкцыі інтэрната ў пасёлку Казлоўшчына ў арэнднае жыллё. Ваша арганізацыя таксама паўдзельнічае ў гэтым важным праекце.

Наталля АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga



Теги: