На працягу некалькіх дзён па беларускім тэлебачанні, у інтэрнэце і друкаваных сродках масавай інфармацыі актыўна абмяркоўваецца шакіруючая тэма – расправы польскіх салдат над бежанцамі на польска-беларускай граніцы.
Са слоў Эміля Чэчка, які папрасіў палітычнага прытулку ў Беларусі, ён збег з польскай арміі, каб не выконваць злачынных загадаў камандзіраў.
Праваабарончыя еўрапейскія арганізацыі на гэты конт пакуль маўчаць, затое актыўна сваю пазіцыю выказваюць нераўнадушныя беларусы.
Андрэй Садоўскі, старшыня Дзятлаўскага раённага выканаўчага камітэта:
– Клопат пра людзей, сацыяльна арыентаваная палітыка – гэта прыярытэтныя напрамкі дзейнасці ў Беларусі на працягу ўсяго перыяду яе незалежнасці. Органы ўлады, як мясцовыя і абласныя, так і рэспубліканскія, прыкладаюць усе намаганні, каб грамадзянам нашай краіны жылося камфортна і бяспечна.
Нацыянальнымі рысамі характару беларусаў з’яўляюцца добразычлівасць, спагада, міласэрнасць. Таму наш народ і наш Прэзідэнт не змаглі застацца раўнадушнымі да праблемаў бежанцаў на беларускай граніцы з краінамі Еўрасаюза і Польшчай у прыватнасці. Хоць нічога і не абяцалі, у адрозненне ад Германіі, але мы сагрэлі, накармілі гэтых людзей, прадаставілі ім часовае месца пражывання, пастаянна аказваем медыцынскую і псіхалагічную дапамогі.
А што адбываецца з нашымі суседзямі? Асаблівым шокам для Беларусі стала адчуць на сабе “добрасуседства” Польшчы і ўбачыць сапраўдны “твар” гэтай еўрапейскай дзяржавы, якая нібыта прытрымліваецца Канвенцыі аб правах чалавека, а сама, у лепшым выпадку, “выпіхвае” на беларускую тэрыторыю бежанцаў, у горшым, у адносінах да іх адбываюцца тыя злачынствы, пра якія заявіў Эміль Чэчка.
Калі гэта не так, калі мы памыляемся, то чаму маўчаць еўрапейскія праваабарончыя інстытуты? Дзе іх спецыялісты ў галіне абароны правоў чалавека? Чаму не праводзіцца спецыяльнае расследаванне на граніцы Польшчы і Беларусі? Сёння гэтыя пытанні задаю сабе не толькі я, але і кожны грамадзянін нашай міралюбівай краіны.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
