Важная і неабходная ў паўсядзённым жыцці людзей электрычная энергія можа стаць смяротнай пры парушэнні правілаў карыстання ёю.
Асноўнай умовай бяспечнага прымянення электрычнасці ў побыце з’яўляецца спраўны стан электрычнай праводкі і электрапрыбораў, выкананне мераў засцярогі пры карыстанні электрычнай тэхнікай, асабліва электранагравальнай.
Не забывайце гэтыя правілы:
— выкарыстанне слабаточных правадоў (тэлефонных і радыётрансляцыйных) для электраправодкі забараняецца;
— састарэлая або пашкоджаная ізаляцыя і аголеныя канцы правадоў могуць стаць прычынай пажару;
— нельга заціскаць правады дзвярыма і прадметамі хатняй абстаноўкі, заклейваць шпалерамі, замацоўваць цвікамі;
— не дапускайце непасрэднага кантакту электрычных правадоў з трубамі ацяплення, вода- і газаправода, тэлефоннымі і радыёправадамі;
— канцы правадоў, якія далучаюцца да токапрыёмнікаў, павінны быць шчыльна замацаваны вінтом або гайкай з шайбай;
— не дакранайцеся да электрычных правадоў мокрымі рукамі, не працірайце мокрай анучай;
— перш чым рамантаваць асвятляльную арматуру, электрычныя прыборы, электраправодку, адключыце іх ад сеткі. Лепш даверцеся ў рамонце спецыялістам.
Паважаныя дзятлаўчане, выконвайце меры засцярогі пры карыстанні электраэнергіяй у побыце, гэтым вы захаваеце здароўе і жыццё сабе і сваім блізкім.
Вячаслаў ПЯТРАШ,
дзяржаўны інспектар па энергетычным і газавым наглядзе
Андрэй ГОМАН,
намеснік галоўнага інжынера Дзятлаўскага РЭС
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
