У Дзятлаўскім гісторыка-краязнаўчым музеі прайшло адкрыццё выставы мастацкіх работ Надзеі Лукашык.
На мерапрыемства прыйшлі як калегі і сябры Надзеі Іванаўны, так і гараджане, якія цэняць мастацтва.
Цікавасць да творчасці ў Надзеі Лукашык выявілася з дзяцінства – уся сям’я любіла маляваць. Тварыла па натхненні, уражваючыся прыгажосцю навакольнага свету. Адметна тое, што робіць мастачка ўсё сама: спачатку падрамнікі, потым нацягвае палатно, затым рамкі пад карціны, якія сама пакрывае лакам. Спрабуе пісаць у розных тэхніках, каб знайсці нешта сваё, асабістае, арыгінальнае.
Для прысутных у час мерапрыемства іграла скрыпачка Аксана Шэйна.
На прэзентацыі было больш за паўсотні работ мастачкі. Пейзажы, нацюрморты і партрэты – усё гэта будзе прадстаўлена жыхарам Дзятлава на выставе да верасня бягучага года.
Данііл АРЦЁМАЎ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
