На Дзятлаўшчыне працягвае працаваць грамадская прыёмная раённага аб’яднання прафсаюзаў.
У грамадскую прыёмную ад жыхара нашага раёна паступіла пытанне аб аказанні матэрыяльнай дапамогі члену прафсаюза, які перахварэў каранавірусам?
На яго адказаў старшыня Дзятлаўскага раённага аб’яднання прафсаюзаў Валерый Макарчык.
– У мінулым годзе для падтрымкі членаў прафсаюза ў перыяд неспрыяльнай эпідэміялагічнай сітуацыі ва ўсіх пярвічных прафсаюзных арганізацыях краіны, у тым ліку і ў нашым раёне, былі сфармаваны касы ўзаемадапамогі, сродкі з якіх накіроўваліся на аказанне матэрыяльнай дапамогі членам прафсаюза, якія перахварэлі Covid-19, а таксама для закупкі сродкаў індывідуальнай абароны.
Для атрымання матэрыяльнай дапамогі члену прафсаюза патрэбна звярнуцца з заявай у прафсаюзны камітэт.
Вольга ЮШКЕВІЧ