Як правільна выбраць пітную ваду?

Важнае Грамадства

Пітная вада жыццёва неабходная для кожнага чалавека.

Аднак не ўсе ведаюць, як выбіраць ваду правільна. Пра тое, як гэта рабіць, расказала доктар агульнай практыкі Дзятлаўскай ЦРБ Галіна Чэхаўская:

‒ Правільна выбраная пітная вада не толькі спатольвае смагу, але і прыносіць карысць арганізму чалавека.

Так, аўтар кніг пра лячэбныя воды Аляксандр Назараў, сцвярджае, што трэба звяртаць увагу на тое, дзе была здабыта вада. Калі на этыкетцы сказана, што яна ўзята з артэзіянскіх свідравін, то можна быць упэўненым у высокай якасці. Менавіта ў такой вадзе знаходзіцца больш за ўсё карысных мікраэлементаў.

Акрамя таго, на якасць вады ўплываюць такія параметры, як ціск, тэмпература і нават час, бо мікраэлементы, назапашаныя ў вадзе за многія сотні гадоў значна больш карысныя за тыя, што былі дабаўлены штучна.

Дарэчы, лячэбную ваду варта піць толькі па прызначэнні доктара: сталовую ‒ за паўгадзіны да ежы і праз дзве гадзіны пасля, лячэбную ‒ за 15 хвілін да прыёму ежы. У той жа час, чыстая і якасная вада не пашкодзіць нікому.

Марыя ПАПОВА

Подписывайтесь на телеграм-канал «Гродно Медиа Group» по короткой ссылке @GrodnoMediaGroup