У аграгарадку Гезгалы 22 жніўня на спецыяльна падрыхтаванай пляцоўцы адбыўся адкрыты турнір Дзятлаўскага раёна па пляжным валейболе сярод жаночых каманд.
Турнір праводзіўся з мэтай прапаганды здаровага ладу жыцця і папулярызацыі пляжнага валейбола сярод насельніцтва раёна.
Удзельнікамі спаборніцтваў сталі чатыры каманды: каманда горада Слоніма (Наталля Бараноўская і Наталля Карабінская), дзве каманды горада Дзятлава (Анастасія Таўкун і Ганна Лакіза, Вольга Радомская і Ганна Таўкун), каманда аграгарадка Гезгалы (Вераніка Кугейка і Сабіна Пабядзінская).
Ініцыятары і арганізатары турніру – трэнер-аматар Васіль Русін, Дзятлаўскі раённы фізкультурна-спартыўны клуб.
Гульні праходзілі па кругавой сістэме. Пераможца вызначаўся па колькасці набраных ачкоў.
Па выніках спаборніцтваў чэмпіёнкамі адкрытага турніру Дзятлаўскага раёна па пляжным валейболе сталі дзяўчаты з горада Слоніма, сярэбраным прызёрам прызнана каманда аграгарадка Гезгалы, бронзавая перамога – у каманды горада Дзятлава (Ганна Таўкун і Вольга Радомская).
Варта адзначыць, што ў горадзе Дзятлаве пляжны валейбол пачаў развівацца толькі з гэтага года, а слонімскія дзяўчаты прымаюць удзел ужо не ў першым турніры і з’яўляюцца вопытнымі валейбалісткамі.
Пасля заканчэння турніру пераможцы і прызёры былі ўзнагароджаны дыпломамі і медалямі Дзятлаўскага раённага фізкультурна-спартыўнага клуба.
Турнір стаў апошнім акордам у пляжным валейбольным сезоне Дзятлаўскага раёна.
Вадзім ФІЛІПОЎСКІ
Фота Васіля РУСІНА
Подписывайтесь на телеграм-канал «Гродно Медиа Group» по короткой ссылке @GrodnoMediaGroup