Махлярства адрозніваецца ад іншых відаў злачынстваў тым, што ахвяра добраахвотна перадае злачынцу каштоўнасці і грошы.
Злачынец, як правіла, уводзіць пацярпелага ў падман наконт акалічнасцяў здзелкі. Гэта становіцца вядома пазней, калі зламыснік не толькі авалодаў чужой маёмасцю, але і паспеў схаваць важныя абставіны здарэння.
Нярэдка махляры выдаюць сябе за работнікаў рамонтных арганізацый, прапаноўваюць “ажывіць” мабільныя тэлефоны і іншую сапсаваную тэхніку.
Міліцыя просіць жыхароў Дзятлаўскага раёна не адклікацца на прапановы заезджых гандляроў.
Калі вырашылі набыць што-небудзь, уважліва правярайце тавар, за які плаціце, і не выпускайце яго з рук, каб не памянялі; грошы аддавайце, толькі атрымаўшы пакупку; не згаджайцеся на ўмовы на словах, прасіце пісьмовы дагавор.
Як пазбегнуць крадзяжу з жылля?
Каб не стаць ахвярамі кватэрных злодзеяў, захоўвайце простыя меры бяспекі:
не запрашайце ў хату незнаёмцаў;
не пакідайце форткі, уваходныя і балконныя дзверы адчыненымі;
калі едзеце ў водпуск, папрасіце суседзяў наглядаць за вашай кватэрай ці домам і вымаць карэспандэнцыю з паштовай скрыні;
не хавайце ключы ад кватэры пад дыванком пры дзвярах;
устанавіце металічныя дзверы з надзейнымі замкамі;
на вокны пастаўце рашоткі ці ўдаратрывалую плёнку;
падключыце ахоўную сігналізацыю, бо гэта самы надзейны сродак ад любых замахаў на вашу маёмасць.
Калі вы сталі сведкай ці ахвярай крадзяжу, неадкладна тэлефануйце ў міліцыю па нумары 102.
Ігар ХІТРО,
намеснік начальніка АУС Дзятлаўскага райвыканкама па ідэалагічнай рабоце і кадравым забеспячэнні
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
