Пад такой назвай у бібліятэцы Лявонавіцкага дзіцячага сада-базавай школы аформлена тэматычная кніжная выстава.
Літаратура, размешчаная на выставе, адкрывае чытачам незабыўныя старонкі гісторыі нашай Радзімы, дае магчымасць хоць на некаторы час дакрануцца сэрцам да болю і жаху людзей, якія на сваіх плячах вынеслі ўсе нягоды Вялікай Айчыннай вайны.
Выстава складаецца з наступных раздзелаў:
1-шы раздзел “Беларусь гераічная” знаёміць чытачоў з цяжкімі выпрабаваннямі, якія выпалі на долю Беларусі ў гады Вялікай Айчыннай вайны;
2-гі раздзел “У полымі партызанскай вайны”, літаратура гэтага раздзела расшырыць веды чытачоў пра ўдзельнікаў партызанскага руху на Беларусі, а таксама на Дзятлаўшчыне;
3-ці раздзел “Дзеці – героі і сведкі вайны” расказвае пра юных хлопчыкаў і дзяўчынак, якія змагаліся побач з дарослымі супраць фашысцкіх захопнікаў, рызыкавалі сваім жыццём дзеля шчасця роднай зямлі;
4-ты раздзел “У кожным сэрцы вогнішча Хатыні” нагадае чытачам пра беларускія вёскі, якія паўтарылі лёс Хатыні;
у 5-тым раздзеле “Нашы землякі – удзельнікі вайны” чытачы змогуць даведацца пра ўраджэнцаў нашай мясцовасці, якія ўдзельнічалі ў ваенных дзеяннях супраць нямецка-фашысцкіх захопнікаў.
Вучні не толькі пазнаёмяцца з выставай, але змогуць адчуць жахі і горыч Вялікай Айчыннай вайны.
Т. СЕРБІН,
бібліятэкар Лявонавіцкага дзіцячага сада-базавай школы
