Інтэрнэт-махлярствы з банкаўскімі карткамі

Важнае Здарэнні і бяспека Свежыя навіны

Дзятлаўскі раённы аддзел Следчага камітэта папярэджвае жыхароў раёна, што на тэрыторыі Гродзенскай вобласці фіксуецца рост крадзяжоў у сетцы Інтэрнэт, учыненых з выкарыстаннем рэквізітаў банкаўскіх картак.

Іх зламыснікі атрымліваюць у час перапіскі ў сацыяльных сетках ад імя ўладальнікаў узламаных старонак.

Будзьце абачлівыя ў Інтэрнэце. Каб не страціць грошы, не перадавайце трэцім асобам рэквізіты карткі, у тым ліку код з яе зваротнага боку, рэквізіты доступу да інтэрнэт-банкінгу, коды пацвярджэння.

Настройце для сваёй карткі двухфактарную аўтарызацыю, SМS-паведамленне, тэхналогію забеспячэння дадатковай бяспекі плацяжоў, напрыклад, 3-D Secure або Інтэрнэт-пароль, устанавіце ліміты на сумы аперацый.

Для доступу да сваёй старонкі выкарыстоўвайце складаныя ўнікальныя паролі, настройце паведамленне аб падазроных уваходах, выкарыстоўвайце двухфактарную аўтэнтыфікацыю.

У выпадку ўчынення ў адносінах вас супрацьпраўных дзеянняў звяртайцеся ў банк, які выдаў картку, і ў тэрытарыяльныя органы ўнутраных спраў.

Ірына ЯНОВІЧ,
следчы раённага аддзела Следчага камітэта