Па стане на 1 студзеня 2019 года ва ўпраўленне па працы, занятасці і сацыяльнай абароне райвыканкама па садзейнічанне ў працаўладкаванні звярнуліся і зарэгістраваны 711 грамадзян, 423 з іх – у якасці беспрацоўных. Уключаючы грамадзян, якія стаялі на ўліку на пачатку года, у працаўладкаванні мелі патрэбу 794 чалавекі, 497 з якіх – беспрацоўныя.
У рамках рэалізацыі мерапрыемстваў праграмы “Садзейнічанне занятасці насельніцтва” Дзяржаўнай праграмы аб сацыяльнай абароне і садзейнічанні занятасці на 2016-2020 гады:
аказана садзейнічанне ў працаўладкаванні на створаныя рабочыя месцы і вакансіі, якія меліся, 530 грамадзянам, у тым ліку 360 беспрацоўным;
на прафесійную падрыхтоўку, перападрыхтоўку па запатрабаваных на рэгіянальных рынках працы прафесіях накіраваны 18 грамадзян;
арганізоўваліся аплачваемыя грамадскія работы, у якіх прынялі ўдзел 158 грамадзян;
садзейнічанне ў арганізацыі прадпрымальніцкай, рамеснай дзейнасці, а таксама дзейнасці па аказанні паслугаў у сферы аграэкатурызму з выдзяленнем фінансавай падтрымкі ў выглядзе субсідый аказана 5 беспрацоўным.
Для аказання садзейнічання ў працаўладкаванні грамадзянам, якія асабліва маюць патрэбу ў сацыяльнай абароне і не здольны на роўных умовах канкурыраваць на рынку працы (інваліды, моладзь да 21 года, якая ўпершыню шукае работу, асобы перадпенсійнага ўзросту, грамадзяне, якія вызваліліся з месцаў пазбаўлення волі), рашэннем Дзятлаўскага райвыканкама на 2018 год была ўстаноўлена браня для прыёму на работу 219 чалавек гэтай катэгорыі.
За студзень-снежань 2018 года 2 чалавекі з катэгорыі асобаў, якія маюць інваліднасць, працаўладкаваны ў рамках праграмы праходжання адаптацыі інваліда да працоўнай дзейнасці.
Аднаму беспрацоўнаму аказана садзейнічанне ў перасяленні ў сувязі з пераездам у іншую мясцовасць на новае месца жыхарства і работы з выплатай грашовых сродкаў.
Узровень зарэгістраванага беспрацоўя ў Дзятлаўскім раёне на 1 студзеня 2019 года склаў 0,4% ад эканамічна актыўнага насельніцтва, колькасць зарэгістраваных беспрацоўных – 50 чалавек. Колькасць насельніцтва, занятага ў эканоміцы ў Дзятлаўскім раёне за лістапад 2018 года, склала 11179 чалавек. На 1 студзеня 2019 года меліся звесткі аб наяўнасці ў арганізацыях 378 вакансій, у тым ліку па 147 рабочых прафесіях.
Запатрабаваны спецыялісты аховы здароўя (дактары, медыцынскія сёстры, акушэрка), сельскай гаспадаркі (ветэрынарныя дактары, заатэхнікі, аграномы), таксама юрысконсульты, інжынеры-энергетыкі, бухгалтары, эканамісты, педагог-псіхолаг, іншыя. Сярод рабочых у павышаным попыце работнікі сельскай гаспадаркі (трактарысты, аператары машыннага даення, жывёлаводы), электраманцёры, электрагазазваршчыкі, прадаўцы, повары, машыністы крана, машыніст экскаватара, іншыя.
У 2019 годзе будзе прадоўжана работа па аказанні садзейнічання грамадзянам, якія не працуюць, у працаўладкаванні, накіраванні на навучанне, перанавучанне па запатрабаваных прафесіях, перасяленні на новае месца жыхарства і работы. Беспрацоўным грамадзянам, зарэгістраваным у аддзеле па працы і занятасці, якія жадаюць пачаць прадпрымальніцкую дзейнасць, дзейнасць па аказанні паслугаў у сферы аграэкатурызму, рамесную дзейнасць, прадастаўляецца магчымасць атрымання субсідый для забеспячэння самазанятасці. У 2019 годзе плануецца выдаць субсідыю не менш, чым 5 беспрацоўным.
З мэтай інфармавання грамадзян аб стане рынка працы раёна, аказання ім садзейнічання ў працаўладкаванні, арганізацыі самазанятасці, накіраванні на навучанне, перанавучанне ў 2019 годзе будзе прадоўжана работа па правядзенні акцый, кірмашоў вакансій, дзён прафкансультавання, прафарыентацыі. Такія мерапрыемствы будуць праведзены ў кожным сельскім савеце і горадзе Дзятлаве.
Алена САВАНЬ,
намеснік начальніка аддзела па працы і занятасці
ўпраўлення па працы, занятасці і сацыяльнай абароне райвыканкама
