Урачыстае адкрыццё мерапрыемстваў да Дня Незалежнасці (+5 відэа)

Галоўныя тэмы

Няхай жа вечна лунае над мірнай краінай  наш родны сцяг – сцяг годнасці і гонару, змаганняў і адкрыццяў, сцяг перамог” – пачалі сённяшняе свята вядучыя Наталля Маліноўская і Валерый Макарчык.

Мини-опрос о Дне Независимости

Са словамі прывітання і віншаваннямі з Днём Незалежнасці звярнуўся да прысутных старшыня Дзятлаўскага райвыканкама Аляксандр Дубовік:

— Гэты дзень з’яўляецца сімвалам суверэнітэту і свабоды нашай Радзімы, гераічнага мінулага і шчаслівай будучыні нашага беларускага народа. Нас аб’ядноўвае любоў да Беларусі, вернасць традыцыям і шчырае жаданне зрабіць нашу краіну яшчэ больш моцнай і прыгожай. У гэты дзень мы аддаём даніну павагі доблесці і гераізму франтавікоў і працаўнікоў тылу, партызанаў і падпольшчыкаў, якія прынеслі свабоду беларускаму народу. Ад імя Дзятлаўскага райвыканкама прыміце самыя шчырыя і сардэчныя віншаванні з Днём Незалежнасці Рэспублікі Беларусь. Жадаю ўсім моцнага здароўя, міру і дабрабыту, поспехаў у працы на карысць нашай краіны.

 

Затым Аляксандр Дубовік уручыў узнагароды пераможцам выставы раённых арганізацый і сельскагаспадарчых прадпрыемстваў, якая ладзілася напярэдадні на юбілеі горада Дзятлава. Так, сярод арганізацый горада трэцяе месца заняло РУП ЖКГ, на другім месцы – Дзятлаўскі сыраробны завод, пераможца – аддзел адукацыі Дзятлаўскага райвыканкама. Сярод сельскагаспадарчых арганізацый раёна трэцяе месца дасталося КСУП “Хвінявічы”, на другім месцы – КСУП “Жукоўшчына”, першае месца – у КСУП “Вензавец”.

Радзіма – гэта шчасце, Радзіма – гэта рай, Радзіма – гэта песні, што льюцца з краю ў край… Дык якая ж яна, наша родная зямля? Аб гэтым расказалі і паказалі ўдзельнікі агітбрыгады з Вензавецкага дзіцячага сада-сярэдняй школы.

Музычнымі віншаваннямі з Днём Незалежнасці радавалі гледачоў Дзям’ян Жукоўскі, Аляксандра Маленчык, Ганна Губко, Яна Мармыш, Валерый Макарчык, Таццяна Дудкіна, Ала Чарняўская, Сяргей Малышчык.

Святлана ГРЫШЫНА
Фота Вольгі ЮШКЕВІЧ

Читайте также:

Дзень Незалежнасці ў Дзятлаве пачаўся з ускладання кветак і вянкоў

Дзень вышыванкі. Нацыянальны каларыт у юбілей горада

Табе, мой горад, прысвячаем! Выстава-прэзентацыя прадпрыемстваў і арганізацый (+3 відэа)

Выступленне ваеннаслужачых Слонімскай брыгады ў юбілей Дзятлава (+відэа)

 



Теги:

1 комментарий по теме “Урачыстае адкрыццё мерапрыемстваў да Дня Незалежнасці (+5 відэа)

Добавить комментарий

Ваш адрес email не будет опубликован. Обязательные поля помечены *