Пытанне: маю ва ўласнасці трактар і планую аказваць паслугі фізічным асобам па механізаванай апрацоўцы, узворванні, культываванні, пасадцы, уборцы сельскагаспадарчай прадукцыі на зямельных участках. За які тэрмін выплачваецца падатак і ў якім памеры?
Адказ галоўнага дзяржаўнага падатковага інспектара Таццяны Бойка:
– Для аказання такіх паслуг фізічнай асобе неабходна:
— прадаставіць у падатковы орган паведамленне ў пісьмовай форме да пачатку кожнага месяца, у якім будзе ажыццяўляцца гэты від дзейнасці;
— выплаціць налiчаную суму адзінага падатку да пачатку ажыццяўлення дзейнасці.
Стаўка адзінага падатку ў Дзятлаўскім раёне па дадзеным відзе дзейнасці складае 18 рублёў у месяц.
Тэлефоны для даведак: 2-42-51, 2-27-55.
Таццяна ГРЫЦУК