Вызначаны месцы для купання

Рашэннем Дзятлаўскага раённага выканаўчага камітэта “Аб мерапрыемствах па падрыхтоўцы зонаў масавага адпачынку да купальнага сезона 2018 года на водных аб’ектах Дзятлаўскага раёна” ад 23 сакавіка 2018 года №105, з мэтай забеспячэння бяспекі і прадухілення гібелі людзей на вадаёмах раёна, вызначаны месцы для купання.

Добраўпарадкавана і ачышчана дно акваторыяў і пляжаў у наступных месцах масавага адпачынку: возера г. Дзятлава (гарадскі пляж), возера ўрочышча Рыбакі (пляж санаторыя “Радон”). На астатніх вадаёмах, якія не абсталяваны згодна з “Правіламі аховы жыцця людзей на вадаёмах Рэспублікі Беларусь”, купацца забаронена.

Правілы паводзінаў на вадаёмах:

купайцеся на пляжах і ў спецыяльна адведзеных месцах для адпачынку;

пачынайце купацца пры тэмпературы паветра не ніжэй за +20 градусаў, а вады – +18 градусаў;

не купайцеся адразу пасля прыёму ежы;

калі не ўмееце плаваць, не заходзьце ў ваду вышэй пояса;

нельга ўваходзіць у ваду і купацца ў стане алкагольнага ап’янення;

не заплывайце за буйкі і іншыя знакі, якія вызначаюць межы заплыву;

нельга скакаць у ваду з лодак, прычалаў, а таксама ў месцах, дзе невядомая глыбіня і рэльеф дна;

небяспечна плаваць на прадметах, якія не адносяцца да плавальных сродкаў;

не арганізоўвайце гульні на вадзе, якія звязаны з ныраннем і захопам тых, хто купаецца;

не дапускайце дзеянняў, якія могуць прывесці да няшчасных выпадкаў;

не падавайце падманных сігналаў трывогі;