Не думайце, што наркаманія — гэта асабістая справа кожнага. Адзін наркаман уцягвае ў спажыванне наркотыкаў 5-10 чалавек. Наркаманія — гэта сацыяльна небяспечная з’ява.
Прыкметы і сімптомы ўжывання наркотыкаў, на якія варта звярнуць увагу блізкім людзям:
рэзкія перапады настрою, прычым гэтыя перапады настрою ні ў якай меры не звязаныя з рэальнай рэчаіснасцю, якая акружае ваша дзіця;
змена рытму сну;
змена апетыту і манеры ўжывання ежы. Дзіця можа цэлымі днямі нічога не есці, не пакутуючы ад голаду, і раптам прыйшоўшы з прагулкі, прагна накінуцца на ежу і з’есці значна больш, чым гэта магчыма пры нават моцным голадзе;
абсалютная безуважнасць і адсутнасць цікавасці да таго, што адбываецца ў доме;
беспадстаўная раздражняльнасць, нецярпімасць, часам плаксівасць, вельмі часта агрэсіўнасць.
Яшчэ адной вельмі важнай прыкметай, на якую варта звярнуць увагу, з’яўляецца манера размовы дзіцяці, а не толькі яго эмацыйная рэакцыя. Вы звяртаеце ўвагу на час, які праходзіць паміж пытаннем, які вы задаеце, і адказам, які дае вам дзіця. Доўгая паўза — гэта так званая затрымка зносін, затрымка адказу.
Калі вы выяўляеце такія моманты, то вам трэба ісці далей і на гэтым этапе не толькі назіраць за сваім дзіцём, але і атрымаць кансультацыю ў доктара-нарколага.
Алена ШАЙБАК,
галоўны доктар Дзятлаўскага райЦГЭ