Гусі-лебедзі
Опубликовал

Гусі-лебедзі

У Дзятлаве па вуліцы Фрунзэ ў сям’і Алены Лаўрэнцьевай  з’явіўся  новы  жыхар – птушка,  якая  занесена  ў  Чырвоную кнігу.

Увечары, 22 лютага, сярод хатніх гусей на падворку гаспадыня заўважыла госця – белага лебедзя. У яго былі пашкоджаны крыло і лапа. Гаспадарам стала шкада птушку, пакінулі ў сябе, у хляве выдзелілі асобны, абгароджаны куток. Два тыдні выходжвалі, лячылі.

– Аднойчы лебедзь спрабаваў паляцець і ледзь не трапіў пад машыну, – расказвае Алена Андрэеўна. – Пакуль не выпускаем, баімся, што прападзе, малады, яшчэ не падужэў. Есць ён тое, што і хатняя птушка.

Восенню лебедзі адлятаюць у вырай, а сёлета чамусьці на возеры застаўся зімаваць цэлы вывадак. Дачакаемся цяпла ды выпусцім свайго госця наволю, да астатніх.

Вольга ЮШКЕВІЧ

1 2 1040 14 Март, 2018 Раённыя падзеі, Самае чытаемае Март 14, 2018

2 комментария

  1. Leshiy

    Сегодня по СТВ был сюжет про этого лебедя.

    Ответить
  2. Инга

    красавчик, на камеру работать умеет

    Ответить

Добавить комментарий

Ваш e-mail не будет опубликован. Обязательные поля помечены *