Па выніках мінулага года Гродзенская вобласць стала адзінай сярод усіх, каму не ўдалося дасягнуць пастаўленых задач па будаўніцтве жылля. Акрамя правалу ў выкананні задання па ўводзе ў эксплуатацыю жылля, Гродзенская вобласць таксама не змагла выканаць патрабаванне кіраўніка дзяржавы па недапушчэнні з’яўлення жылых дамоў з перавышэннем нарматыўнай працягласці будаўніцтва. Па стане на пачатак года ў Гродзенскай вобласці зафіксавана будаўніцтва трох такіх жылых дамоў.
Камітэт дзяржаўнага кантролю Гродзенскай вобласці нагадвае, што парушэнне прыёмачнай камісіяй парадку прыёмкі ў эксплуатацыю аб’ектаў будаўніцтва з’яўляецца адміністрацыйным правапарушэннем, за якое ў адпаведнасці з Кодэксам Рэспублікі Беларусь аб адміністрацыйных правапарушэннях прадугледжаны штраф у памеры ад чатырох да дзесяці базавых велічыняў. У выпадку паўторнага здзяйснення такіх жа парушэнняў на працягу аднаго года пасля накладання адміністрацыйнага спагнання памеры штрафных санкцый павялічваюцца.
Аляксандр САДАЎНІЧЫ,
першы намеснік старшыні Камітэта дзяржаўнага кантролю Гродзенскай вобласці