Аб пажарнай бяспецы на выбарчых участках

Здарэнні і бяспека

На выбарчых участках неабходна выконваць наступныя патрабаванні па пажарнай бяспецы:

нельга ўсталёўваць у кабінках для галасавання выключальнікі і разеткі, падвешваць свяцільні на электраправадах, выкарыстоўваць абажуры з гаручых матэрыялаў;

выбарчы ўчастак неабходна забяспечыць вогнетушыцелямі з разліку адзін вогнетушыцель на 75 м кв. (але не менш за два на памяшканне), супрацьпажарным палотнішчам памерамі 2х2 метры;

распрацаваць і вывесіць на спецыяльным стэндзе інструкцыю аб мерах пажарнай бяспекі на выбарчым участку;

выбарчы ўчастак павінен быць забяспечаны не менш чым двума электрычнымі ліхтарамі на выпадак адключэння электраэнергіі;

забяспечыць правядзенне навучання, у тым ліку падрыхтоўкі па пажарна-тэхнічным мінімуме;
арганізаваць праверку ведаў па пытаннях пажарнай бяспекі падначаленых асобаў, копію дакументаў падаць у ІНіП Дзятлаўскага РАНС;

перад пачаткам работы выбарчага ўчастка неабходна старанна агледзець усе памяшканні ў будынку, вызначыць, ці поўнасцю яны падрыхтаваны па патрабаваннях мер пажарнай бяспекі (дастатковасці эвакуацыйных выхадаў і першасных сродкаў пажаратушэння, спраўнасці сродкаў сувязі, пажарнай аўтаматыкі);

аб усіх выпадках спрацоўвання і не спрацоўвання аўтаматычнай пажарнай сігналізацыі неадкладна інфармаваць у арганізацыю, якая іх абслугоўвае, і органы дзяржаўнага пажарнага нагляду Дзятлаўскага РАНС па тэлефонах 101, 112.

На выбарчым участку не дапускаецца:

курэнне па-за ўстаноўленымі для гэтых мэтаў месцамі, а таксама карыстанне адкрытым агнём;
загрувашчваць шляхі эвакуацыі, подступы да сродкаў пажаратушэння і сувязі;

карыстацца нестандартнымі электранагравальнымі прыборамі, а таксама эксплуатаваць электрапрыборы не заводскай вытворчасці;

устанаўліваць часовыя гандлёвыя кропкі (латкі, буфеты), праводзіць мерапрыемствы на шляхах эвакуацыі з памяшканняў і будынка выбарчага ўчастка.

У ходзе правядзення маніторынгаў былі выяўлены нязначныя парушэнні, па якіх кіраўнікам аб’ектаў накіраваны рэкамендацыі на прывядзенне выбарчых участкаў у адпаведнасць з дзеючымі тэхнічнымі нарматыўна-прававымі актамі па забеспячэнні пажарнай бяспекі.

Дзмітрый БОБІН,
інспектар Дзятлаўскага РАНС



Теги:

Добавить комментарий

Ваш адрес email не будет опубликован. Обязательные поля помечены *