У Дзятлаўскай акрузе – новы благачынны
Опубликовал

У Дзятлаўскай акрузе – новы благачынны

Апошнія дні мінулага года сталі знакавымі для многіх праваслаўных вернікаў Дзятлава. У храм Праабражэння Гасподня прызначаны новы свяшчэннаслужыцель, які адначасова з гэтым стаў благачынным Дзятлаўскай акругі. Іерэй Іаан Кісель змяніў на гэтай пасадзе пратаіерэя Мікалая Пінчука.


Распараджэнне служыць у Дзятлаве новы святар атрымаў 25 снежня ад правячага архірэя Навагрудскай епархіі архіепіскапа Навагрудскага і Слонімскага Гурыя. Святар Іаан Кісель будзе служыць у храме Праабражэння Гасподня горада Дзятлава і ў храме ў гонар святых апосталаў Пятра і Паўла вёскі Вензавец. Да прызначэння благачынным Дзятлаўскай акругі іерэй Іаан апякаў патрэбы вернікаў і здзяйсняў набажэнствы ў храме вёсак Руда-Яварская, Вензавец, Горка Дзятлаўскага благачыння, а таксама вёскі Пасінічы Слонімскай царкоўнай акругі.
Набажэнствы ў храме Праабражэння Гасподня ў горадзе Дзятлаве будуць праходзіць ў святочныя і нядзельныя дні ў 7 гадзін 30 хвілін.
Ігар ЗІНЧАНКА

3 0 1025 03 Январь, 2018 Раённыя падзеі, Самае чытаемае Январь 3, 2018

Добавить комментарий

Ваш e-mail не будет опубликован. Обязательные поля помечены *