Калі замучыў герпес
Опубликовал

Калі замучыў герпес

Вядома больш за сто вірусаў герпесу, аднак найчасцей сустракаюцца вірусы першага і другога тыпаў, якімі інфіцыравана каля 90 працэнтаў насельніцтва, і прыкладна кожны чацвёрты-пяты чалавек ведае пра гэта.

Захворванне мае клінічныя праяўленні: на скуры з’яўляюцца высыпанні, якія праз некалькі дзён “падсыхаюць”. У арганізм інфекцыя трапляе некалькімі шляхамі — палавым, паветрана-кропельным, праз плацэнту ад маці да дзіцяці або ў час пералівання крыві. Вірус ужо ніколі не пакідае арганізм, але галоўнае, каб ён не праяўляўся.

Трэці тып віруса з’яўляецца ўзбуджальнікам ветраной воспы і апаясвальнага лішая. Першая хвароба сустракаецца ў дзяцей, другая — у сталых людзей. Праяўляецца трэці тып высыпаннямі ў зоне міжрабрынных нерваў, на галаве, твары, канечнасцях.

Важна атрымаць супрацьвірусную тэрапію ў першыя 48 гадзін, калі яна будзе найбольш эфектыўная. Разам з тым прызначаецца і вітамінатэрапія — антыаксідантны комплекс, біягенныя стымулятары для агульнага ўмацавання. Безумоўна, рэкамендуецца здаровы лад жыцця, рэжым сну, працы і адпачынку, а таксама харчаванне, багатае на агародніну і садавіну. Акрамя таго, неабходна лячыць і ўсе іншыя хранічныя захворванні.

Стрэс, пераахаладжэнне, злоўжыванне алкаголем, дыеты — усё гэта будзе правакаваць рэцыдыў.

Дадатковыя рэкамендацыі:

не траўмуйце балячкі;

насіце мяккае, не раздражняльнае адзенне;

добра мыйце рукі пасля таго, як дакрануліся да пашкоджанага ўчастка;

карыстайцеся індывідуальнымі прадметамі гігіены;

не дапускайце выпадковых палавых кантактаў.

Вераніка ЕМЯЛЬЯНЧЫК,
доктар-дэрматавенеролаг Дзятлаўскай ЦРБ

0 0 226 24 Январь, 2018 Сацыяльная сфера Январь 24, 2018

Добавить комментарий

Ваш e-mail не будет опубликован. Обязательные поля помечены *