Алкаголь: што забараніць, што дазволіць?
Опубликовал

Алкаголь: што забараніць, што дазволіць?

У Міністэрстве ўнутраных спраў працуюць над праектам указа Прэзідэнта «Аб пытаннях рознічнага гандлю алкагольнымі, слабаалкагольнымі напоямі і півам». У ведамстве прапануюць не прадаваць алкаголь з 23 да 9 гадзін, а ў магазінах з плошчай гандлёвай залы 1000 метраў квадратных і больш адвесці для алкаголю асобную залу. Акрамя таго, сярод прапановаў — павялічыць узрост, калі маладым людзям дазволена набываць алкаголь, з 18 да 21 года, забараніць гандаль спіртным на запраўках.

Карэспандэнтка газеты «Перамога» даведалася меркаванне наконт новага ўказа ў галоўнага спецыяліста аддзела адукацыі, спорту і турызму Дзятлаўскага райвыканкама Алены Чайкоўскай.

— Лічу, што прыняцце Указа Прэзідэнта «Аб пытаннях рознічнага гандлю алкагольнымі, слабаалкагольнымі напоямі і півам» стане эфектыўнай мерай у абмежаванні даступнасці алкагольнай прадукцыі для насельніцтва, асабліва для маладых людзей.

Аналіз сямейнага недабрабыту паказвае, што злоўжыванне спіртнымі напоямі з’яўляецца найбольш частай прычынай неналежнага выканання бацькамі сваіх абавязкаў па выхаванні і ўтрыманні непаўналетніх дзяцей і, як вынік, прызнання сям’яў сацыяльна ненадзейнымі або прызнання дзяцей маючымі патрэбу ў дзяржаўнай абароне. Такім чынам расце сацыяльнае сіроцтва, калі бацькі пазбаўляюцца бацькоўскіх правоў на дзяцей.

У наш час вялікія намаганні затрачваюцца на прафілактыку і папярэджанне негатыўных з’яваў, звязаных са злоўжываннем спіртнымі напоямі. Гэта правапарушэнні і злачынствы, сямейна-бытавыя скандалы, гвалт у сем’ях, сямейны недабрабыт. Таму дзяржаўнае рэгуляванне пытання, звязанага з гандлем алкагольнымі напоямі, будзе садзейнічаць фарміраванню здаровага ладу жыцця сярод насельніцтва, павышэнню прэстыжу сямейнага дабрабыту, годнаму выхаванню дзяцей.

Ірына СТЫРНІК

0 0 95 15 Январь, 2018 Эканоміка Январь 15, 2018

Добавить комментарий

Ваш e-mail не будет опубликован. Обязательные поля помечены *