Скраў грошы ў знаёмага

Здарэнні і бяспека

У вытворчасці Дзятлаўскага раённага аддзела Следчага камітэта Рэспублікі Беларусь знаходзіцца крымінальная справа, узбуджаная па прыкметах саставу злачынства, прадугледжанага артыкулам 205 Крымінальнага кодэкса Рэспублікі Беларусь (крадзеж).

Раней судзімы грамадзянін А. паўторна, знаходзячыся ў гасцях у свайго знаёмага грамадзяніна О., пасля сумеснага распіцця спіртных напояў скарыстаўся тым, што гаспадар заснуў, і тайна скраў у яго каля 100 рублёў.

Сваімі наўмыснымі дзеяннямі А. учыніў злачынства, прадугледжанае часткай 2 артыкула 205 Крымінальнага кодэкса Рэспублікі Беларусь (крадзеж, учынены паўторна). Цяпер А. пагражае пакаранне ў выглядзе папраўчых работ да двух гадоў, або арышт, або абмежаванне волі да чатырох гадоў, або пазбаўленне волі на той жа тэрмін.

Ірына ЯНОВІЧ,
следчы Дзятлаўскага раённага аддзела Следчага камітэта



Добавить комментарий

Ваш адрес email не будет опубликован. Обязательные поля помечены *