— Як гандаль? — цікаўлюся ў намесніка дырэктара КСУП «Дварэц-Агра» Аляксандра Сачыка.
— Глядзіце, ужо амаль усё разабралі, — адказвае. Амаль пусты кузаў грузавіка яскрава пацвярджае словы.
— А што прадавалі?
— Ячмень, пшаніцу, алейную рэдзьку. Ўсё пайшло на «ура». Бульбы нават не хапіла, відаць, паедзем дагружаць.
Чарга па зерне стаяла і каля грузавіка ААТ «Граніт-Агра». І тут гандаль ішоў бойка.
Фермеры прывезлі агародніну: капусту, моркву, буракі, цыбулю, часнык, перац. А яшчэ — яблыкі, рыбу, саджанцы пладовых дрэваў, расаду садовых суніц (клубніц).
У продажы быў шырокі выбар прыправаў, былі арэхі.
Сёння сельгаскірамашы адбыліся яшчэ у Гезгалах і Казлоўшчыне. А праз тыдзень — вялікі сельгаскірмаш у Дзятлаве.
Б. Варна